အရောင်တွေဆိုးမထား
အဖြူကြည်လွှာ ပါးပါးနဲ့
ကွန်ယက်ထားတဲ့ ကောင်းကင်
နေပူရင် အရိပ်ထိုးမယ်
မိုးရွာတဲ့အခါ ထီးမိုးပေး
နှင်းဖွေးဖွေးကျပြန်တော့
အနွေးထည်လှလှတစ်စုံပေါ့နော်...။
မာယာတွေကို မခုံမင်ခဲ့
ကောက်ကွေ့ခြင်း ကင်းစင်လို့
အဖြောင့်စင်းဆုံး မြစ်ယံကြောမှာ
ပန်းမွေ့ယာနဲ့ အတူစီးမျော
528...သင်္ချာသဘောအရ
သုခကို မမျှချင်နေ
ဒုက္ခတွေ ဝေယူခွဲခြမ်းစားဖို့
ကိုယ်တိုင်ရဲရဲရင့်ရင့် လက်ကမ်းခဲ့တာပါ...။
မွေးဖွားလာကတည်းက
ကံဇာတာမှာ ကွပ်လက်တွေပြ
မပြည့်စုံတဲ့ ဘ၀ဆိုတာ
လမင်းလောက်မစွမ်းသာပေမယ့်
ကိုယ်တက်နိုင်သမျှ ကိုယ်ပိုင်
ကိုယ်စွမ်းရာ ကိုယ်နိုင်သမျှ
မင်းဘ၀ရောင်ခြည်လာရေး
အမှောင်တွေ ဖယ်ပေးချင်မိတယ်...။
သံသယတွေ သယ်မလာပါနဲ့လား
အရောဝင်ခြင်း အမျိုးမျိုးထဲက
သည်ကြယ်ရဲ့ အရောဝင်ခြင်းဟာ
မင်းကို အလင်းပေးဖို့သက်သက်ပါ
ရတယ်.....
တိမ်ဖုံးနေတဲ့ အချိန်
ငါ့အတွက် ၀မ်းမနည်းပါနဲ့
အနှောင့်အယှက်မရှိ တောက်ပခွင့်သာ
ကူညီဆုတောင်းပေးပါ သူငယ်ချင်း......။
သင်းကွဲငှက်
0 comments:
Post a Comment