လမင်းက မသာ
နေမင်းလည်း မလာတော့
ကြယ်စင်ရောင်ဖျော့သွားတဲ့ ဘ၀က
မိုးမျှော်တဲ့ ဖားလိုမျိုး
အက်ကြောင်းထ ရင်ဘတ်တစ်ခြမ်းနဲ့
ကာရန်ပျက်တေးသွားကို စမ်းဆိုရင်း
အိုဟောင်းသော အမှောင်လမ်းမှာ
ပိုးစုန်းကြူးအရောင်တန်းနဲ့
လဲကျတိုင်း ပြန်စမ်းထခဲ့တယ်..။
ဒါပေမယ့် ကံကြမ္မာက
မျက်နှာသား မပေးခဲ့သလို
လက်ဗလာနဲ့လာတဲ့ လူမျိုးကို
ဘယ်သူတွေ မြတ်နိုးနိုင်မှာလဲနော်....။
ကြိုးစားခဲ့တာပါပဲ
ဝင်ရောက်လာသမျှ
မုန်တိုင်းတွေ အန်တုဖြတ်ကျော်ဖို့
တက်ထိုးလှော်မယ်ကြံတိုင်း
ဖျက်ချိုးခံနေရတဲ့ တောင်ပံအစုံဟာ
အားကုန်လက်ပန်းကျမြဲ
ပတ်ဝန်းကျင်ဆိုတာ
ငွေဂုဏ်မာနခဲတွေပေါ့...။
ကျားနာမာန်မဲသလို
တောက်တစ်ချက်ခေါက် အံကိုကြိတ်
ဝေဒနာတွေ မျိုသိပ်ကာ
ထင်းခွေမကြုံတာမို့
ရေခပ်အလာစောင့်ရင်း
မကျေနပ်တာ မှန်ပေမယ့်
ကျေနပ်စွာ ခံယူခဲ့ပါတယ်လောကဓံ...။
သည်လိုနဲ့ပေါ့ ကောင်းကင်ယံရယ်
အပူသောကရောက်တိုင်း
အမေ့ကို လွမ်းတယ်
ချွေးတစ်ပေါက်ကျတိုင်း
အဖေ့ကို သတိရတယ်
မုန့်ဝယ်စားဖို့ ပိုက်ဆံမရှိတဲ့အခါ
အကို့ကို တမ်းတမိတယ်
မျက်ရည်နဲ့စတဲ့ ဘ၀က
ရက်ရှည်ဒဏ်ရာတွေနဲ့
အနာဂတ်မှာ လှပနိုင်ပါ့မလား...?
ဟူးးးးးးးးးးးးးးးးးးးး
သက်ပြင်းရှည် အမောချ
အတိတ်ဆိုတာ ...
အရိပ်သာ ကျန်ခဲ့တယ်ဆိုပေမဲ့
ရင်ထဲမှာတော့
သိမ်ငယ်ခြင်းတွေ အနယ်ထိုင်နေဆဲ
ရှေ့ရေးအခက်အခဲတွေက
တွေးလေ ဆွေးစရာကောင်းလေပေါ့...။
ဒါပေမဲ့ အမေ..အဖေ..အကိုတို့ရေ
သင်တို့ ပေးခဲ့သော
ကျွန်ုအတွက်
ရပိုင်ခွင့် အနည်းငယ်မျှဖြင့်
လောကဓံတိုက်ပွဲမှာ
အစွမ်းကုန် ယှဉ်နွဲသွားပါ့မယ်
သစ္စာတရားကို သက်သေထား၍....ပေါ့...။
သင်းကွဲငှက်
0 comments:
Post a Comment