ပေါက်ကွဲခွင့် မရှိလို့
ချုပ်တည်းထားမိသူရဲ့ ဝေဒနာ
မင်း စာနာနိုင်ပါ့မလား...?
ရင်ထဲမှာ
မင်း နင်းလျှောက်သွားသမျှ
ရွှေခြေကျင်းရာတွေ အပြည့်အသိပ်နဲ့
ခံစားခွင့်မရှိမှန်း သိလျှက်
သွေးဆိပ်တက်ခဲ့ရတဲ့ ရက်တွေ
အိပ်မက်ကြွေ
ခုနစ်စဉ်ရောင်ထွေ ဇာတ်လမ်းမှာမှ
ခေါင်းဆောင်ဖြစ်ခဲ့ရတဲ့
သည်ကောင်ရဲ့ စိတ်ကူးအနမ်းတွေ
မရှိုက်ခင်ကတည်းက ..ပြေ
မစိုက်ခင်ကတည်းက ..သေခဲ့ရပေါ့ ။
ပွဲမစခင် ရှုံးနိမ့်မှုနဲ့
နာကျင်မှာမှန်းသိပေမယ့်
ကျေနပ်စွာ ခံယူဖို့
ကိုယ်တိုင် ဆူးစူးခံခဲ့မိသူပါ...။
ဗလောင်ဆူ ရင်ခွင်နန်းမှာ
အလွမ်းတွေ သိမ်းထားပါရစေတော့..
မတားပါနဲ့
မှန်သားချက်တွေ အရောင်ပြယ်ခဲ့ပြီပဲ
ကံကြမ္မာ သယ်လာအပ်တဲ့
ကံတရားကွဲအက်မှုနဲ့ အတူ
မျှော်လင့်ချက်များကို အဆုံးသတ်
528...ဆိုတဲ့ သင်္ချာထက်မှာ
အက္ခရာတွေကို စိစစ်ရွေးချယ်
အဖြူထည် ခက်ဆစ်ဖွင့်ခြင်းနဲ့
သူငယ်ချင်းလို့ပဲ ဆက်၍ခေါ်ပါရစေတော့
ကြိုးတစ်စထဲ ခြားခဲ့တာပါညီမရယ်....။
သင်းကွဲငှက်
0 comments:
Post a Comment