သည်ဆောင်းပေါ့
အလွမ်းတွေကို ကျူးရင့်စေခဲ့တာ
ဖြူဖွေးနေတဲ့ ငွေကြယ်စင်တွေလို
မှုန်မှိုင်းမှိုင်း မြူနှင်းတွေကြားမှာ
နှင်းဆီကြိုက်ပါတယ်ဆိုတဲ့ မင်းက
အနီရောင်အလံတစ်လက်ကို ကိုင်လို့
နတ်ဆိုးတစ်ကောင်ရဲ့
ဝိညာဉ်မဲ့ သံစဉ်တွေလို
ငါ့ နှလုံးသားဗဟိုရ်ကို
သွေးစိမ့်စိမ့်ယိုစေခဲ့တယ်...။
အဲဒီအချိန်
ဆောင်းနှင်းတွေ ဝေပေမယ့်
ငါ့အသည်းတွေ ကြွေနေခဲ့
လေပြေညှင်းကလည်း
စာနာခြင်းကင်းမဲ့စွာ
ပူပြင်းကာ လောင်မြိုက်လို့
မနေ့တနေ့ကမှ
စိမ်းလန်းစိုပြေနေသေးတဲ့
ငါ့ရင်ခုန်သံတွေကလည်း
သည်ကနေ့မှ
မောပန်းနွမ်းလျလို့....။
အလွမ်းဆိုတဲ့ မွေ့ယာထက်မှာ
နာကျင်ခြင်းတွေကို ခေါင်းခုရင်း
ငါ အိပ်စက်ခဲ့ရတယ်
နေ့စဉ်ရက်ဆက်ပေါ့ ချစ်သူ...။
သည်လိုနဲ့...
တစ်စစီ လွင့်ပြယ်သွားတဲ့
ပျော်စံရာ အိပ်မက်နန်းတော်ဆီ
တဖန် ခြေဦးပြန်လှည့်ဖို့
သန်ခေါင်ယံထံ လက်လှမ်းတဲ့အခါ
အရုဏ်ဦးက ထပြောတယ်
မင်းလုက်ရပ် မိုက်မဲလွန်းတယ်တဲ့လေ...။
ဟုတ်ပါတယ် ချစ်သူ
ငါဟာ အချစ်ကြောင့်ရူးသွပ်သွားခဲ့တာပါ
မင်း ဖန်ဆင်းပေးလိုက်တဲ့
ချော်ရည်ပူ မြစ်တစ်ဆင်းမှာ
ပျော်ရွှင်စွာ ကူးခတ်ရင်း
ဆောင်းနှင်းတွေနဲ့ တူညီမယ့်နေ့
လေပြေညှင်းတွေ အေးမြမယ့်နေ့
ရင်ခုန်သံတွေ စိုပြေမယ့်နေ့
နေ့များစွာကို စောင့်မျှော်လို့
ကြယ်တစ်စင်း ကြွေဆင်းချိန်မှာ
ဆုမွန်ကောင်းတောင်းမိပါရဲ့
အချစ်ရေ......
သည်ဝဋ်မှ ကျွတ်ပါရစေတော့ကွယ်...။
သင်းကွဲငှက်
0 comments:
Post a Comment