သင်းကွဲငှက်

 

အဖော်မရှိဘူး

မခေါ်ပဲလာတဲ့ဧည့်သည်တွေသာ

ဧည့်ခန်းမှာ ပြည့်ကျပ်လို့

တ၀က်တပျက်ထွက်ပေါက်နဲ့

ရှင်သန်ထမြောက်လာကတည်းက

တကယ်တော့ ဘ၀ဆိုတာ

မပြည့်ဝတဲ့ သုညလိုပါပဲ

အရေးပါပြီး အရာမရောက်ခဲ့..။

 

တစ်ကောက်ကြွက်တော့ မဟုတ်ဘူး

ဒါပေမယ့် အထီးကျန်နေတယ်

မိုက်မဲမှုမပါဘဲ မှားယွင်းနေတဲ့

အနားသတ်မျဉ်းကြောင်းအစပ်က

အနာဂတ်တစ်ချို့ အရည်ပျော်ကျ

အော်ခွင့်မရရှိတဲ့ ငြီးငွေ့မှုမှာ

နွေးထွေးခြင်းတွေ လောင်မြိုက်ခံခဲ့ရတာပါ...။

 

ရက်စက်ကြတာလား

သစ်ရွက်လို မြေခစဉ်

ကြွေအကျ ကောက်ယူသူမတွေ့

ကိုယ်အရွေ့မှာ  တိုက်ခက်တဲ့လေညှင်းက

ပူပြင်းသွေ့ခြောက်လိုက်တာ(အရမ်းပဲ)...။

 

ငါရှာနေတဲ့ နားခိုရာ 

ဘယ်နေရာ ဘယ်ဆီမှာလဲ

သင်းကွဲငှက်တစ်ကောင်ရဲ့

အတောင်ပံခက်သံလို

တဖြည်းဖြည်းနဲ့....

ငါ့ရှိုက်သံတွေ မောပန်းနွမ်းလျ

ကမန်းကတမ်း ထခဲ့မှုမှာ

အိပ်မက်တွေ ခွေယိုင်လဲ

သမုဒယခြေလှမ်း ကျဲကျဲတွေသာ

ငါ့အခန်းနံရံမှာ

ပျံဝဲကခုန်လို့ပေါ့....။

 

ပေးကြစမ်းပါဗျာ

သောကတွေ အကုန်လုံးပေးလိုက်စမ်းပါ

ရွှံ့ဗွက်တွေ လိမ်းကျံထားရတဲ့

အနက်ရောင် ကတ္တရာလမ်းမထက်

အမှိုက်ဖက်တွေ ထပ်ပစ်လည်း

ပိုပြီး ဘာထူးအုံးမှာမို့လဲ

ထူသွားတဲ့ အနာရွတ်ကြောင့်

နာကျင်ပြီးသား နှလုံးသား

အား....ကနဲ အော်ဖို့တောင်မေ့နေတယ်...။

အဆွေ....ကံကြမ္မာ

ငါဟာ သင်းကွဲငှက်သာသာပါပဲ

ဒါပေမယ့်....

မိုးရွာချိန်ကို မျှော်ချင်သေးတယ်..။

 

                                                                                 သင်းကွဲငှက်